A Seriyaning sentyabrdagi eng yaxshi futbolchisi aniqlandi

Gruziyalik futbolchi muxlislar orasida o'tkazilgan so'rovnomada "Inter" himoyachisi Federiko Dimarko, "Yuventus" himoyachisi Bremer, "Milan" vingeri Kristian Pulishich, "Bolonya" hujumchisi Santyago Kastro va "Komo" forvardi Patrik Kutroneni ortda qoldirdi.

Kvaracxeliya sentyabr oyida 4 ta o'yinda ikkita gol urdi va bitta golli uzatmani amalga oshirdi.  "Napoli" vingeri 4-marta shunday sovrinni qo'lga kiritdi va Dibala bilan bu borada qo'shhokimlik qilmoqda.

Sovrin neapolliklarning 26 oktyabr kuni bo'lib o'tadigan A Seriya 9-turi doirasidagi "Lechche"ga qarshi uy o'yini oldidan topshiriladi.