30 mar 17:34
Yangiliklar

Tennis

Abduraimova 1/2 finalda turnirning 1-raketkasiga qarshi uch setlik uchrashuv o'tkazdi

Sloveniyaning Murska-Sobota shahrida tennis bo'yicha ayollar o'rtasida W50 turkumidagi turnir davom etmoqda.

Mukofot jamg'armasi 50 000 AQSH dollarini tashkil etuvchi ushbu musobaqada hamyurtimiz Nigina Abduraimova ham muvaffaqiyatli odimlayotgandi. Mamlakatimizning birinchi raketkasi hozirgina yakuniga etgan 1/2 final bahsida mag'lubiyatga uchradi.

Turnirda 8-raqam ostida tasniflangan tennischimiz turnirning birinchi raketkasi, rossiyalik Valeriya Savinixga qarshi kortga chiqdi. Ikki soatu 25 daqiqa davom etgan bahsda Savinix 6/4, 5/7, 6/3 hisoblarida g'alaba qozonib, finalga yo'l oldi.

Taqqoslash uchun, Nigina Abduraimova WTA reytingida 250, Savinix esa 168-pog'onadan joy olgan. Endi hamyurtimiz kechki dasturda juftlik bahslarida bosh sovrin uchun kortga chiqadi.