Abduraimova final ostonasida uch setlik qiyin uchrashuv o'tkazdi

Mukofot jamg'armasi 50 000 dollarni tashkil etuvchi ushbu musobaqada Nigina Abduraimova ham o'z imkoniyatini sinovdan o'tkazdi. Hozirgina dunyoning 239-raketkasi bo'lib turgan hamyurtimiz ishtirokidagi 1/2 final uchrashuvi yakuniga etdi. 

Turnirda uchinchi raqam ostida tasniflangan tennischimiz musobaqaning birinchi raketkasi, WTA reytingida 132-pog'onadan joy olgan ukrainalik Darya Singurga qarshi kortga chiqadi. Ikki daqiqasi kam ikki soat davom etgan bahsda Abduraimova 6/1, 6/7(4), 4/6 hisobidagi alamli mag'lubiyatni qabul qilib oldi.