Abdusattorov va Sindarov jamoalari chempionlik bahsida 500 000 dollar taqdiri hal bo'ldi

Mukofot jamg'armasi bir million AQSH dollarini tashkil qilgan musobaqada tarkibiga jami 36 nafar mashhur grossmeysterni jamlagan 6 ta jamoa bosh sovrin uchun bahs olib bordi. Kecha ushbu turnirda hal qiluvchi final uchrashuvi o'tkazildi. 

Quvonarlisi, Global Chess League 2024 bosh sovrini uchun Nodirbek Abdusattorovning Alaskan Knights jamoasi Javohir Sindarov o'ynayotgan Triveni Continental Kings jamoasiga qarshi bahs olib bordi. Triveni Continental Kings jamoasi birinchi uchrashuvda 9-7, ikkinchi bahsda esa 13:7 hisobida g'alaba qozonib, musobaqa chempioniga aylandi. 

SHu tariqa, Javohir Sindarov Triveni Continental Kings jamoasi bilan birga musobaqa bosh sovrini hamda 500 ming AQSH dollari miqdoridagi pul mukofotini qo'lga kiritdi. Nodirbek Abdusattorov va Alaskan Knights jamoasi 250 ming dollarga ega chiqdi. 

PBG Alaskan Knights jamoasi tarkibi: Anish Giri (Niderlandiya), Nodirbek Abdusattorov (O'zbekiston), SHaxriyar Mamedyarov (Ozarbayjon), Tan CHjuni (Xitoy), Alina Kashlinskaya (Polsha), Nihal Sarin (Hindiston)

Triveni Continental Kings jamoasi tarkibi: Alireza Firuzja (Franciya), Vey Yi (Xitoy), Teymur Rajabov (Ozarbayjon), Aleksandra Kostenyuk (SHveycariya), Valentina Gunina (Rossiya), Javohir Sindarov (O'zbekiston)