ADAMS tizimida ishlash bo'yicha MOQ ishchi guruhi faoliyatini boshladi

Bu borada O'zbekiston Milliy olimpiya qo'mitasi tashabbusi bilan Qo'mita qoshida Olimpiya o'yinlariga tayyorgarlik ko'rayotgan asosiy sportchilarimizning ADAMS tizimidagi shaxsiy profilini nazorat qilish bo'yicha ishchi guruhi tuzildi va u o'z faoliyatini boshladi. 

Bu borada MOQ, Olimpiya sport turlari bo'yicha federaciya va associaciyalar mutasaddilari bilan o'tgan onlayn uchrashuvda malum qilindi. ZOOM platformasida o'tgan tadbirda MOQ Bosh kotibi Oybek Kasimov, MOQ raisi o'rinbosari SHerzod Tashmatov, MOQ qoshidagi RSTIAM direktori Abdushukur Sadikov, Olimpiya sport turlari bo'yicha federaciya va associaciyalar rahbariyati ishtirok etishdi.

“Tokio Olimpiadasi ham yaqin qoldi. Hozir barchamiz licenzion musobaqalarga va Olimpiya o'yinlariga hozirlik ko'rmoqdamiz. Tokio-2020 sari finish to'g'ri chizig'iga kelgan paytimiz bu borada muammolarning paydo bo'lishi yillar davomida qilayotgan katta mehnatimizni yo'qqa chiqarishi hech gap emas. SHu bois barchangizdan MOQ qoshida tuzilayotgan ishchi guruh bilan doimiy aloqada bo'lishingizni, sportchilarning ADAMS tizimida ko'rsatilgan malumotlari o'z vaqtida yangilanib borilishini nazorat qilishingizni so'raymiz”, – dedi SHerzod Tashmatov.

MOQ qoshida tuzilgan ishchi guruhga 2 nafar mutaxassis boshchilik qiladi. Ularning asosiy vazifasi ADAMS tizimiga kiritilgan sportchilarimizning qaerda ekanliklari haqida doimiy malumotga ega bo'lib turish, belgilangan hududda o'zgarish bo'lsa, darhol uni atletimizning profilida ham yangilashdan iborat bo'ladi. Uchrashuvda har bir federaciyaga ushbu ishchi guruh bilan ishlash bo'yicha masul vakil biriktirish borasida ko'rsatma berildi.