12 iyu 08:06
Yangiliklar
SHaxmat
Aimchess Rapid. Nodirbek Abdusattorov Aronyanni taslim etdi. Finaldagi raqib - Magnus Karlsen!
SHaxmatning rapid yo'nalishi bo'yicha nufuzli Aimchess Rapid onlayn turniri o'zining hal qiluvchi pallasiga kirdi.
Kecha musobaqada 1/2 final uchrashuvlari o'tkazildi. Hamyurtimiz Nodirbek Abdusattorov (2703) final ostonasida asli kelib chiqishi armanistonlik, bir necha yildan beri AQSH sharafini himoya qilib kelayotgan Levon Aronyan (2743)ga qarshi dona surib, nomdor raqibini 2,5:0,5 hisobida mag'lubiyatga uchratdi. Ikki partiyada grossmeysterimizning qo'li baland kelgan bo'lsa, yana birida durang qayd etildi.
Ikkinchi yarim final juftligida esa shaxmat afsonasiga aylanib ulgurgan Magnus Karlsen (2829) amerikalik Fabiano Karuano (2752) ustidan 2,5:1,5 hisobida zafar quchdi. Endi bosh sovrin uchun Nodirbek Abdusattorov va Magnus Karlsen o'zaro hisob-kitob qilishadi.
Havola :
Manba : olamsport.com
Fikrlar