So’nggi yangiliklar

16:28Бивол ниманинг эвазига Бетербиевни мағлуб этганини айтди 0 16:05"Реал" сўнгги 11 йилликдаги антирекордини ўрнатди 0 15:39Жалолов проф фаолияти давомида илк бор тўлиқ жанг ўтказди. Баҳодир аввалги жангларини нечанчи раундларда якунлаган эди? 0 15:17Дзюдочиларимиз янги бош мураббий қўл остида Осиё чемпионатига тайёргарлик кўрмоқда + ФОТОГАЛЕРЕЯ 0 14:53Опетаянинг жанги жароҳат туфайли қолдирилди 0 14:30"Манчестер Сити" ва МЮнинг дерби учун тахминий таркиблари 0 14:08UFC on ESPN 65 турнири бонуслари қайси спортчиларга насиб этгани маълум бўлди 0 13:45Нодирбек Абдусатторов Freestyle Chess Grand Slam Paris турнирида иштирок этадиган бўлди 0 13:23Баҳодир Жалолов кечаги жангидан жароҳат орттириб олди (ВИДЕО) 0 13:00Анчелотти кутилмаган мағлубиятдан сўнг нималар деди? 0 12:38Тим Цзю иккита мағлубиятдан сўнг ниҳоят ғалабага эришди: у Жозеф Спенсерни нокаутга учратди 0 12:17От спорти турлари бўйича янги Олимпия циклига оид қарорлар қабул қилинди 0 11:52Баҳодир Жалоловнинг собиқ рақиби Ричард Торрес проф рингдаги 13-жангини ўтказди 0 11:28Ла Лига. "Барселона" ўз уйида "Бетис"ни мағлуб этолмади 0 11:05Филипп Хргович Англияда Жо Жойсни мағлубиятга учратди 0

16 okt 18:57
Yangiliklar

Eshkak eshish

Akademik eshkak eshish bo'yicha O'zbekiston o'smirlar terma jamoasi Osiyo chempionatini 4 ta medal bilan yakunladi

Teglar :  Eshkak eshish
11-14 oktyabr kunlari Singapurda bo'lib o'tgan o'smirlar o'rtasidagi Osiyo chempionatida Akademik eshkak eshish bo'yicha O'zbekiston o'smirlar terma jamoasi 3 ta oltin va 1 ta bronza medaliga sazovor bo'ldi.

Etiborga molik jihati, bu safargi qita chempionati kelasi yili Argentinada bo'lib o'tadigan III o'smirlar Olimpiya o'yinlariga saralash bosqichi vazifasini ham o'tab berdi. Osiyo chempionati yakuniga ko'ra hamyurtimiz Kamila Maqsudova yakkalik ekipajida musobaqani kuchli to'rtlikda yakunlab, o'smirlar Olimpiya o'yinlariga licenziyani qo'lga kiritdi. 

Singapurdagi musobaqaning so'nggi kunida barcha yo'nalishlarda final bahslari bo'lib o'tdi. O'zbekiston terma jamoasi unda muvaffaqiyatli ishtirok etib medallar shodasiga ega chiqdi. Alisher Turdiev, Sardor To'lqinxo'jaev, Elyor Raupov va SHahzod Nurmatovlardan iborat birinchi to'rtlik start avvalidanoq peshqadamlikni o'z qo'liga oldi va 2000 metr masofaga marraga birinchi bo'lib etib kelib, oltin medallarga sazovor bo'ldi. 

Keyinroq o'smirlar o'rtasida yakkalik ekipaj bahslarida poygalar tashkil etildi. Unda ishtirok etgan hamyurtimiz Jasur Mavlonov marra chizig'ini uchinchi bo'lib kesib o'tdi va bronza medaliga loyiq ko'rildi. SHuningdek, ikki kishilik ekipaj bahslarida Alisher Turdiev va Sardor To'lqinxo'jaevlardan iborat juftligimiz barcha raqiblarini ortda qoldirib oltin medalga sazovor bo'lishdi.  

Va nixoyat, terma jamoamizga uchinchi “oltin”ni Evgeniy Agafonov, Davrjon Davronov, Abduaziz Rahimjonov va Jasur Mavlonovdan iborat to'rtlik ekipaji keltirdi. Yakunda O'zbekiston terma jamoasi Osiyo chempionatini 3 ta oltin va 1 ta bronza medali bilan yakunladi. 

Malumot uchun, shu yilning 2-6 avgust kunlari Latviyada bo'lib o'tgan o'smirlar o'rtasidagi jahon chempionatida Alisher Turdiev va Sardor Tulkinxo'jaevlardan iborat juftlik ekipaji 2018 yili Argentina mezbonlik qiladigan III o'smirlar Olimpiya o'yinlariga licenziyani qo'lga kiritgandi. Bu safar endi Kamila Maqsudova nufuzli musobaqa yo'llanmasiga ega bo'ldi. 

Ana shu tariqa Akademik eshkak eshish bo'yicha terma jamoamiz mamlakatimiz uchun o'smirlar Olimpiya o'yinlariga ajratilgan maksimal 2 ta yo'llanmani qo'lga kiritib bo'ldi.


Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing