Akademik eshkak eshish. Osiyo chempionati O'zbekiston sportchilari uchun muvaffaqiyatli yakunlandi

Kecha o'tkazilgan bahslarda hamyurtlarimiz 4ta oltin, 1ta kumush va 1ta bronza medallarini qo'lga kiritganliklari haqida xabar berib o'tgandik.

Musobaqaning bugungi kuni ham sportchilarimiz uchun muvaffaqiyatli kechdi.

O'smirlar musobaqasining JM4 yo'nalishida startga chiqqan o'zbekistonlik sportchilar (Evgeniy Agafonov, Davrjon Davronov, Toir Tolibov, SHuxrat SHodiev) marraga birinchi bo'lib etib borishdi va oltin medalni qo'lga kiritishdi. JM4x yo'nalishidagi bahslarda qatnashgan ekipajimiz (Jasur Turg'unov, Sultonali Abduvaliev, Dilmurod Ismatullaev, Azizbek Narzimurodov) bronza medaliga sazovor bo'ldi.

Kattalar o'rtasidagi bellashuvlarning M8+ yo'nalishida ham oltin medal o'zbekistonlik sportchilar (Zafar Usmonov, SHohjahon Najmiev, Islambek Mambetnazarov, SHexroz Xakimov, Alisher Yarov, Anatoliy Krasnov, Otamurod Rahimov, Dostonjon Baxriev, Dostonjon Xursanov) ga nasib qildi. Yana bir oltin medal M4X bellashuvlarida terma jamoamiz (SHaxboz Abdujabborov, Abdullo Muxammadiev, O'ktamjon Davronov, Farrux Astanov) hisobiga yozildi. Etiborlisi, ushbu yo'nalishda kumush medal ham o'zbekistonlik sportchilar (SHaxboz Xolmurzaev, Bekzod Xolmirzaev, Abubakir Uzoqbaev, Jasur Mavlonov)ga nasib qildi. LM1x yo'nalishida qatnashgan Jasur Mavlonov ham terma jamoamiz hisobiga bronza medalini qo'shib qo'ydi.

SHu tariqa, sportchilarimiz Osiyo chempionatida umumiy hisobda 7ta oltin, 2ta kumush va 3ta bronza medallarini qo'lga kiritishdi.