Akademik eshkak eshish. Sportchilarimiz Italiyadagi xalqaro musobaqada ikkita medal qo'lga kiritishdi

Musobaqada dunyoning 28 mamlakatidan tashrif buyurgan sportchilar qatorida o'zbekistonlik akademik eshkak eshuvchilar ham o'z omadlarini sinab ko'rishdi. 

Qizlar o'rtasidagi 2000 metr masofaga o'tkazilgan juftlik bahslarida o'zbekistonlik Malika Tagmatova/Luiza Islomova tandemi final bosqichida marraga ikkinchi bo'lib etib keldi va kumush medalni qo'lga kiritdi. 

Erkaklar o'rtasida sakkiz kishilik qayiqda 2000 metr masofaga o'tkazilgan bellashuvlarda ekipajimiz bronza medaliga sazovor bo'ldi. Ushbu yo'nalishda terma jamoamiz sharafini Otamurod Rahimov, Zafar Usmonov, Islombek Mambetnazarov, Dostonjon Bahriev, Alisher Yarov, Anatoliy Krasnov, SHohjahon Najmiev, SHexroz Hakimov va boshqaruvchi Tolibjon Isoboevlar himoya qilishdi.

Bir hafta davomida bo'lib o'tgan musobaqa bugun yakunlandi.