Akademik eshkak eshuvchilarimiz Turkiyada yig'in o'tkazmoqda

Ishchi guruh bu gal Dalaman shahrida shug'ullanayotgan akademik eshkak eshish bo'yicha jamoamiz bazasiga tashrif buyurdi.

Akademik eshkak eshuvchilarimiz hozircha Parij-2024 yozgi Olimpiya o'yinlariga yo'llanma qo'lga kiritganlari yo'q. SHu bois, SHerzod Tashmatov uchrashuv davomida har bir yo'nalishda tayyorgarlik olib borayotgan sportchilar va ularning murabbiylari bilan suhbatlashib, kvalifikacion musobaqalarda bor imkoniyat ishga solinishi zarurligini takidladi. Malumot uchun, akademik eshkak eshuvchilarimiz 19-21 aprel kunlari, Janubiy Koreya, 19-21 may kunlari SHveytsariyada o'tadigan licenzion musobaqalarda ishtirok etishadi.

Suhbat davomida sportchilarimizning kun tartibi hamda mashg'ulot jarayonlarida nimalarga ahamiyat qaratilayotgani, ularning tibbiy taminoti xususida batafsil fikr almashildi. 21 fevral sanasiga qadar davom etadigan ushbu yig'in aprel va may oylarida bo'lib o'tadigan licenzion musobaqalarga tayyorgarlik vazifasini o'tab beradi. Turkiyadagi yig'inga yurtimiz sharafini xalqaro arenalarda munosib himoya qilishga davogar 13 nafar sportchi jalb etilgan. Suhbat yakunida MOQ raisi o'rinbosari bo'lajak musobaqalarda barchaga omad tiladi.