12 noy 14:26
Yangiliklar

Tennis

Albina Muzaffarnagarda ilk davra uchrashuvida kortga chiqdi

Bugun Hindistonning Muzaffarnagar shahrida tennis bo'yicha "Fyuchers" turkumiga kiruvchi turnirning asosiy to'r bahslari boshlandi.

Sovrin jamg'armasi 25 000 AQSH dollarini tashkil qiluvchi musobaqada hamyurtimiz Albina Xabibulina ham ishtirok etyapti. Saralash bahslari orqali asosiy to'rga etib kelgan Albina bugun ilk davra uchrashuvini o'tkazdi.

Afsuski, turnirning birinchi raketkasi yaponiyalik Xiroko Kuvataga qarshi kortga chiqqan Xabibulina kuchli raqibasiga 2:6, 1:6 hisobida imkoniyatni boy berdi. Endi hamyurtimiz bor etiborini juftlik bahslariga qaratadi.

Tennischimiz qirg'izistonlik Kseniya Palkina bilan ikkinchi raqamli juftlikni hosil qilgan. Ular ilk bosqichda slovakiyalik Nastya Kolar hamda amerikalik Aleksandra Riley hamkorligiga qarshi kortga chiqadi.