Aleksandr Petrov: “Olmaliq” Osiyo chempionatida yuqori natijalar uchun kurashadi”

Dastlabki tadbirda musobaqa formati, taqvimi, jamoalarning uchrashuvlarda foydalanadigan liboslari, marketing, media, tibbiy masalalar, tartib-intizom va doping nazorati kabi yo'nalishlar borasida malumot berildi.

Keyin jamoalar shifokori va massajchilari ishtirokida alohida seminar boshlandi. Unda har bir futbolchini musobaqa davomida sog'ligi nazorat qilib borilishi hamda doping nazorati jiddiy o'tkazilishi takidlandi.

SHundan so'ng esa jamoalar bosh murabbiylari ishtirokida matbuot anjumani o'tkazildi. “Olmaliq” bosh murabbiyi Aleksandr Petrovning turnir bo'yicha fikrlari quyidagicha bo'ldi.

- “Olmaliq” jamoasi tashkil etilganiga ikki yil bo'ldi. Jamoa yosh bo'lishiga qaramasdan ketma-ket ikki yildan buyon chempionlikni qo'lga kirityapti. Turnir borasida aytadigan bo'lsam, “Olmaliq” shunchaki ishtirok etish uchun kelmagan. Jamoa iloji boricha yuqori natijalar uchun kurashadi. Guruhimizda Eron jamoasi favorit. Ammo biz ham bu turnirda o'z salohiyatimizni ko'rsatishga harakat qilamiz.