Aliboev gol urdi va "Seul" OCHL guruh bosqichiga chiqdi

Oldinroq "SHanxay SIPG" Tailandning "Buriram Yunayted" klubini taslim etib, musobaqa guruh bosqichiga chiqqan edi.

Toshkent vaqti bilan 15:00da OCHLning sharq mintaqasi klublari o'rtasidagi 3ta uchrashuv boshlandi. Ikrom Aliboev to'p tepayotgan "Seul" klubi pley-off bosqichida Malayziyaning "Kedah" jamoasini qabul qildi . Mezbonlarning ustunligi ostida kechgan bahs 4:1 hisobida yakuniga etdi. Bahsdagi so'nggi gol terma jamoamiz yarim himoyachisi Aliboevga tegishli bo'ldi. Yarim himoyachi jarima maydonchasi tashqarisidan kuchli zarba berib, to'pni darvozaning uzoq burchagiga joylab qo'ydi. SHunday qilib "Seul" OCHLning "E" guruhiga tushdi.

"Kashim Antlers" o'z uyida "Melburn Viktori"ni qabul qildi va sensacion mag'lubiyatga uchradi. Avstraliya jamoasi yapon klubini mehmonda taslim etib, OCHL guruh bosqichi yo'llanmasini naqd qildi.

SHarq mintaqasidagi so'nggi pley-off bahsida "Tokio" Filippinning "Keres" klubini qabul qildi va ko'pchilik kutganidek ishonchli hisobda (2:0) g'alaba qozondi.