So’nggi yangiliklar

07:24"Реал" яна камбэк қилди, бу сафар "Сельта" мағлуб этилди 0 06:53UFC Fight Night 294: Прохазкани нокаут қилишди, Асу Алмабаев ютқазди ва бошқа натижалар 0 19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0

22 noy 06:53
Yangiliklar

Boks/MMA

UFC Fight Night 294: Proxazkani nokaut qilishdi, Asu Almabaev yutqazdi va boshqa natijalar

Kecha tunda Qatar poytaxti Doha shahrida bir qator kutilmagan natijalarni taqdim etgan navbatdagi UFC turniri bo'lib o'tdi.

UFC Fight Night 294 turnirining asosiy jangi mag'lubiyat nimaligini bilmay kelayotgan yangi zelandiyalik yarimog'ir vazn toifasi vakili Navaxo Stirling hamda sobiq chempion Irji Proxazka o'rtasida o'tkazildi. Jang ikkinchi raundda Navaxoning nokautli g'alabasi bilan yakunlandi. Bu bilan Stirling chempionlik jangi sari yana bir qadam tashladi.

Etiborlisi, birinchi raundda raqibini nokdaunga uchratgan Proxazka ikkinchi besh daqiqalikda ko'proq tavakkalga yo'l qo'ydi va bu uning zarariga ishladi. Tanaffusga bir necha soniya qolganida Stirlingning o'ng tomondan bergan kuchli zarbasi ortidan chexiyalik aralash yakkakurash ustasi nokautga uchradi. 

Oqshomning ikkinchi muhim jangi yarimengil vazn toifasida Aljameyn Sterling va Kevin Valexos o'rtasidagi potencial davogarlik jangi bo'ldi. Unda argentinalik Kevin hakamlarning yakdil qarori bilan g'alaba qozonib, divizionning amaldagi chempioni Aleksandr Volkanovskining kamari uchun davogarga aylandi.

Turnirning ahamiyati jihatidan uchinchi muhim jangida amerikalik Brayan Ortega tashkilotning engil vazn toifasidagi debyutini muvaffaqiyatsiz o'tkazib, yangi zelandiyalik Den Xukerga hakamlar qarori bilan yutqazib, professional faoliyatini yakunlaganini elon qildi.

Tadbirning asosiy kardini o'rta vazn toifasidagi Ikram Aliskerov va Jared Kannonir o'rtasidagi jang ochib berdi, unda rossiyalik sportchi hakamlarning yakdil qarori bilan (30-27, 30-27, 30-27) zafar quchdi.

Asosiy karddan o'rin olgan yana bir qiziqarli jangda qozog'istonlik Asu Almabaev yaponiyalik Kiodji Xoriguchiga qarshi uch raund to'liq harakat qildi va afsuski hakamlar qaroriga ko'ra (28-29, 27-30, 27-30) imkoniyatni boy berib qo'ydi. 

Kechaning dastlabki kardida Iliya Topuriyaning akasi Aleksandr Topuriya meksikalik Santyago Lunaga hakamlarning ayri qarori bilan 27-30, 28-29 va 29-28 hisobida yutqazdi.

Boshqa natijalardan Bahrayn sharafini himoya qilayotgan dog'istonlik og'ir vazn jangchisi SHamil Gazievning muvaffaqiyatsiz ishtirokini qayd etish joiz, u braziliyalik Tallison Teysheyraga hakamlar qarori bilan yutqazdi.

Qatar turnirida Amir Albazi, Jon Mitchell hamda qozog'istonlik Diyar Nurgojay muddatidan oldin g'alaba qozondi.


UFC Fight Night 294 turnirining barcha natijalari:

Asosiy kard janglari

Navaxo Stirling Irji Proxazkani nokaut (zarbalar) qildi – ikkinchi raund, 4:58

Kevin Valexos Aljameyn Sterlingni ochkolar hisobi bo'yicha yutdi (29-28, 30-27, 30-27)

Den Xuker Brayan Ortegani hakamlarning yakdil qarori bilan taslim etdi (30-27, 30-27, 30-27)

Kiodji Xoriguchi Asu Almabaevni ochkolar hisobiga ko'ra engdi (29-28, 30-27, 30-27)

Ikram Aliskerov Jared Kannonirni hakamlarning yakdil qarori bilan mag'lubiyatga uchratdi (30-27, 30-27, 30-27)


Prelim kard janglari

Santyago Luna Aleksandr Topuriyani hakamlarning ayri qarori bilan mag'lub etdi (30-27, 28-29, 29-28)

Tallison Teysheyra SHamil Gazievdan ochkolar bo'yicha ustun keldi (30-27, 29-28, 29-28)

Amir Albazi Alessandro Kostani sabmishn (ortdan bo'g'ish) qildi – uchinchi raund, 4:34

Taxir Abdullaev Jeyk Metyuzni ochkolar bo'yicha yutdi (29-28, 30-27, 30-27)

Dom Mar Fan Nikolas Mottani ochkolar hisobiga ko'ra engdi (29-27, 30-26, 30-26)

Diyar Nurgojay Alik Lorencni texnik nokautga uchratdi (boshga oyoqda zarba) – ikkinchi raund, 0:24

Jon Mitchell SHoaib Yusafni texnik nokaut evaziga mag'lub etdi (tizza bilan zarba) – birinchi raund, 3:50

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing