Alireza Firuzja: "Sindarov bilan o'yin unchalik qoniqarli bo'lmadi"

U o'zining holati va musobaqani tark etmaslik sabablari haqida shunday dedi:

"Menga dam olish ham kerak. Xayriyatki, shaxmatni hatto yotib ham o'ynash mumkin. Oldinda hali beshta yaxshi partiya bor. SHuning uchun o'ynashda davom etmoqchiman".

Firuzja shifokorlar ruxsati va tashkilotchilarning yordami haqida ham to'xtaldi:

"SHifokorga borganimizda, u  agar sharoitlar mos kelsa, o'ynashim mumkinligini aytdi. Keyingi savol tashkilotchilar buni tashkil qila olishi va raqib o'yinchilar bunga rozi bo'lishi bilan bog'liq edi. Hammasi ijobiy hal bo'ldi. SHunday vaziyatda o'yinlarni boy berish juda achinarli bo'lardi".

SHuningdek, u Sindarovga qarshi o'yini haqida ham o'z fikrini bildirdi:

"Sindarov bilan o'yin unchalik qoniqarli bo'lmadi, lekin oxirida, poziciyam ancha yomon bo'lishiga qaramay, endshpilda yaxshiroq o'ynashga muvaffaq bo'ldim. Avvaliga yaxshi o'ynamagan bo'lsam-da, endshpil qanday o'tganidan mamnunman".

Eslatib o'tamiz, 5-tur doirasidagi Javohir Sindarov - Alireza Firuzdja partiyasida durang natija qayd etilgandi. Kecha musobaqada dam olish kuni edi, bugun 6-tur partiyalari o'ynaladi.