05 iyu 07:03
Yangiliklar

Tennis

Amaldagi chempion "samuray"ni mag'lub etdi, endigi raqib Federer!

Franciya poytaxti Parij shahrida tennis bo'yicha "Katta Dubulg'a" turkumiga kiruvchi "Rolan Garros" turniri davom etmoqda.

Musobaqaning amaldagi g'olibi, grunt qoplamali turnirlar qiroli Rafael Nadal 1/4 finalda ham oson g'alabaga erishdi. Ispaniyalik tennis yulduzi ATP reytingida 7-o'rinni egallab turgan yaponiyalik Kei Nishikorini 1 soatu 51 daqiqa davom etgan bahs yakunida taslim etdi - 6/1, 6/1, 6/3.

Ikki tennischi o'rtasidagi o'zaro uchrashuvlar hisobi Nadal foydasiga yanada yiriklashdi - 11:9. Endi 33 yoshli Rafael “Rolan Garros” turnirining yarim finalida shveycariyalik Rojer Federerga qarshi kortga chiqadi. Tennis muxlislari finalga qiyoslangan “Klassiko”ga guvoh bo'lishadi.