Amaldagi jahon chempioni finalga chiqdi, ikkinchi finalchi tay-brekda aniqlanadi

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Kecha jahon chempionatida yarim finalning ikkkinchi partiyalari o'ynaldi. Amaldagi jahon chempioni xitoylik Ju Ven Jun oq donalarda rossiyalik Aleksandra Kostenyuk bilan durang o'ynadi.

Birinchi partiyadagi g'alaba evaziga xitoylik shaxmat malikasi finalga yo'l oldi. Aynan amaldagi jahon chempioni chorak finalda yurtimiz sharafini himoya qilgan vakilamiz, ayollar o'rtasida xalqaro grossmeyster Gulruhbegim Tohirjonovani qiyinchilik bilan 1,5:0,5 hisobida taslim eta olgandi. Ikkinchi yarim finalda Mariya Muzichuk hamda Katerina Lagno to'qnash kelishdi va bu safar ham murosaga kelishdi. Bugun hal qiluvchi tay-brek o'ynaladi.