Andijon “Fyuchers”. Fayziev chorak finalda!

Erkak tennischilar o'rtasidagi turnirda ikkinchi davra uchrashuvlari o'tkazilib, chorak finalga yo'l olgan barcha 8 tennischining nomi malum bo'ldi. Ular orasida hamyurtimiz Sanjar Fayziev ham bor. 

Mamlakatimizning ikkinchi raketkasi, asosiy to'rga saralash musobaqasi orqali etib kelgan Fayziev rossiyalik Mixail Xaldeevga qarshi kortga chiqdi va raqibini 6:2, 7:6(5) hisobida mag'lub etdi. 

Endi Sanjar choraak finalda turnirning uchinchi raketkasi rossiyalik Roman Safiulinga qarshi kortga chiqadi. Roman ikkinchi davrada yana bir hamyurtimiz Botir Sapaevdan 6:1, 6:1 hisobida ustun keldi.