31 okt 11:28
Yangiliklar

Tennis

WTA 500. Rahimova va dunyoning 23-raketkasi o'rtasida final taqdiri hal bo'ldi

O'zbekistonning birinchi raketkasi Kamilla Rahimova Tokioda o'tayotgan Toray Pan Pacific Open Tennis WTA 500 turnirining yarim final uchrashuvini o'tkazdi.

Biroz avval yakuniga etgan yarim final uchrashuvida vakilamiz WTA reytingida 23-o'rinni egallab turgan kanadalik Leyla Fernandesga qarshi kortga chiqdi. Bir soatu 55 daqiqa davom etgan murosasiz bahsda tajriba o'z so'zini aytdi — 7/5, 6/3. Rahimova final ostonasida o'z yurishini to'xtatdi.

Uchrashuv davomida Leyla 9, Kamilla 2 ta eys zarbasini amalga oshirdi. Rahimova qo'shxatoga yo'l qo'ymadi. Fernandesda qo'shxatolar 2 ta bo'ldi. Bu tennischilarning o'zaro o'tkazgan to'rtinchi uchrashuvi bo'ldi - 3:1. Rahimova Ernandes ustidan yagona g'alabasini 28 kun oldin Pekindagi turnirda qo'lga kiritgandi.

Taqqoslash uchun, 25 yoshli Kamilla Rahimova dunyo reytingida 66, Leyla Fernandes 23-o'rinni egallab turibdi.