Andijon “Fyuchers”. To'rt tennischimiz juftlikda 1/4 finalga chiqdi

Xotin-qiz tennischilar o'rtasidagi musobaqaning juftlik bahslarida chorak final ishtirokchilari malum bo'lyapti. Hamyurtimiz Nigina Abduraimova va rossiyalik Kseniya Likinadan iborat turnirning birinchi raqamli juftligi birinchilardan bo'lib chorak finalga chiqdi.

Nigina va Kseniya hindistonlik tennischilar Kira SHroff hamda Dxrutti Tatachar tandemini 6:1, 6:7(8), tay-brekda 10:8 hisobida mag'lub etishdi. Ularning yarim final ostonasidagi raqiblari o'zbekistonlik tennischilar - Polina Merenkova va Kamola Umarova bo'ladi.

Hamyurtlarimiz ilk davrada gruziyalik Maryam Bolkvadze va hindistonlik Karman Kaur hamkorligidan 6:1, 6:4 hisobida ustun kelishdi. Ukrainalik Valeriya Straxova bilan juftlik hosil qilgan Oqgul Omonmurodova ham chorak finalga yo'l oldi. Sabina va Elina SHaripovadan iborat juftligimiz esa mag'lubiyatga uchradi.