Andijonda belbog'li kurash bo'yicha mamlakat chempionati o'tkazilyapti

Bugun start olgan mazkur chempionat Andijon olimpiya va paralimpiya sport turlariga tayyorlash markazi manejida bo'lib o'tmoqda va mamlakat chempionatida o'g'il bolalar belbog'li kurashning erkin va belbog'li kurash yo'nalishlarida 13, qizlar esa 8 ta vaznda kuch sinashishmoqda. 

SHuningdek, musobaqa doirasida chempionatning tantanali ochilish marosimi ham tashkil etildi. Marosimda O'zbekiston belbog'li kurash federaciyasi bosh kotibi Abduxalil Malikov, Andijon viloyat sport boshqarmasi boshlig'i O'tkirbek Toshpo'latov, Andijon viloyat belbog'li kurash federaciyasi raisi Rustam To'raxonov va boshqalar ishtirok etishdi. 

Musobaqa 20 aprelga qadar davom etadi. Darvoqe, ushbu mamlakat chempionatida shohsupadan joy olgan polvonlar may oyida Nukus shahrida o'tkazilishi rejalashitirilgan Osiyo va jahon chempionatida ishtirok etish huquqiga ham ega bo'lishadi. Demak, bellashuvlar qiziqarli va shiddatli tarzda o'tishi shubhasiz.

Ilhom RAHMONOV tayyorladi