Andijonda “Fyuchers” turniri start oldi, Sabina 1-raketka!

Ushbu musobaqada ham hamyurtimiz birinchi raketka sifatida qayd etilgan. Sabina SHaripova turnirning saralangan birinchi raqamli tennischisi sifatida o'z ishtirokini boshlaydi. Uning ilk davradagi raqibasi gruziyalik Maryam Bolkvadze bo'ladi.

Sabinadan tashqari vakilalarimizdan Nigina Abduraimova, Oqgul Omonmurodova, Arina Folc, Polina Merenkova, Jamila Sayidxo'jaeva va Kamola Umarova ham asosiy to'r bahslarida qatnashish huquqini qo'lga kiritgan.

Qura natijasiga ko'ra, Abduraimova ilk bosqichda rossiyalik Anastasiya Frolovaga, Omonmurodova belaruslik Anna Kubarevaga, Sayidxo'jaeva rossiyalik Olga Doroshinaga, Folc yana bir rus tennischisi Alena Tarasovaga, Merenkova ukrainalik Olga Yanchukka, Umarova esa hindistonlik Dxrutti Tatacharga qarshi kortga chiqadi.