Andijonda sport bayrami davom etadi

MMA bo'yicha avvalgi yilda andijonlik sportchilar tomonidan qayd etilgan yuqori natijalar esa so'zimiz isboti bo'la oladi.

Qolaversa, mamlakatimizda rasmiy maqomga ega bo'lgan MMA sport turiga etibor qaratish ishlariga SHahrixon tumanida birinchilardan bo'lib MMA sport maktabi ishga tushirilgan edi.

Andijon shahridagi «O'zbegim» mahallasi hududida tadbirkor va murabbiy hisoblangan Jahongir Asranov tomonidan, bo'sh turgan bino zamonaviy ko'rinishdagi MMA maktabi sifatida qayta qurib bitkazildi.

Kuni kecha ushbu sport maktabining tantanali ochilish marosimi o'tkazildi. Ochilish marosimida mahalla faollari, keksalar hamda mazkur sport turiga qiziquvchi yoshlar ishtirok etdilar.

SHuningdek, sportning qo'l jangi turi bo'yicha Andijon shahridagi sportning o'yin turlari va engil atletikaga ixtisoslashtirilgan bolalar-o'smirlar sport maktabining yopiq tennis kortida huquqni muhofaza qiluvchi organ xodimlari va yoshlar o'rtasida Andijon viloyati hokimi kubogi musobaqasi o'tkazildi.

Ushbu musobaqada 16-17 yoshdagi 120 nafardan ortiq ishtirokchilar 10 vazn toifasida (8 ta jamoa), 18 yoshdan kattalar huquqni muhofaza qiluvchi organ xodimlari esa 9 vaznda musobaqada ishtirok etdilar.

G'oliblar tashkilotchilar tomonidan tashkil etilgan esdalik nishon, diplom, medal hamda qimmatbaho sovg'alar bilan taqdirlanishdi.