Andijondan Mo'ynoqqacha piyoda borayotgan yigitlar Jizzax viloyatida

“Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida”gi Prezident Farmonini keng targ'ib etish maqsadida sirdaryolik Eldorbek Jo'raev hamda To'lqin Usmonov shu yil 15 fevraldan boshlab Andijon viloyatidan Mo'ynoqqacha piyoda yo'lga chiqishgan edi.

SHu kungacha ular Andijon, Farg'ona, Namangan, Toshkent viloyatlari, Toshkent shahri hamda Sirdaryo viloyatini piyoda bosib o'tishgan holda bugun kunning ikkinchi yarmida Jizzax shahriga etib borishi kutilmoqda.

Sportchi yigitlarni Jizzax viloyat jismoniy tarbiya va sport boshqarmasi xodimlari hamda keng jamoatchilik iliq qarshi olishdi. Hattoki yo'ldan o'tib ketayotgan yo'lovchilar ham ular bilan ko'rishib, jasoratiga yuksak baho berib, maqsadi sari intilishlarida omad tilayotgani diqqatga sazovor.

Etiborlisi, joylarda mahalliy aholi vakillari hamda yoshlar ham ularga qo'shilishmoqda. Bundan ko'rinib turibdiki, yurtdoshlarimiz bu tashabbuskor yigitlarga befarq emaslar va ularni har tomonlama qo'llab-quvvatlashmoqda.