04 okt 11:40
Yangiliklar

Tennis

Andreesku China Open chorak finaliga chiqdi

Xabar berganimizdek, Xitoy poytaxti Pekin shahrida nufuzli WTA turniri davom etmoqda.

Sayyoramizning oltinchi raketkasi Byanka Andreesku China Open musobaqasining chorak finaliga yo'l oldi. Kanadalik tennis malikasi bu safar reytingning 66-pog'onasini band etib turgan amerikalik Jennifer Bredini mag'lub etdi - 6/1, 6/3.

Byanka 1 soatu 7 daqiqa davom etgan uchrashuvda 5 ta eys zarbasini amalga oshirdi. Andreesku o'zaro uchrashuvlardagi hisobni ham yiriklashtirdi - 4:1. Endi kanadalik tennischi Pekin turnirining chorak finalida yaponiyalik Naomi Osakaga qarshi kortga chiqadi.