Andrey Rublyov uchun Rim "Masters" yakuniga etdi

Kutilmaganda dunyoning ettinchi raketkasi Andrey Rublyov musobaqaning ikkinchi davrasida ATP reytingida 54-o'rinni egallab turgan serbiyalik Filip Krayinovichga 2/6, 4/6 hisobida imkoniyatni boy berib, turnirdagi ishtirokini muddatidan ancha avval yakunladi.

Tennischilar kortda 70 daqiqa harakat qilishgan. Bu vaqt oralig'ida rossiyalik 24 yoshli tennischi 4 ta, 30 yoshli serb esa 2 ta eys zarbasini amalga oshirgan. SHu kungacha tennischilarning o'zaro uchrashuvlaridagi hisob teng edi - 2:2.