04 iyu 02:56
Yangiliklar
Futbol
Angliya penaltilar seriyasida Kolumbiyadan ustun keldi
JCH-2018 nimchorak finalining so'nggi bellashuvida Angliya terma jamoasi Kolumbiyani mag'lubiyatga uchratdi.
Uchrashuvning 57-daqiqasida Garri Keyn o'ziga nisbatan ishlatilgan qo'pollikdan keyin belgilangan penaltidan unumli foydalanib, hisobni ochdi. Bu Harrining JCHdagi oltinchi goli sifatida qayd etildi.
O'yin shu hisob bilan yakunlanib borayotgan bir paytda kolumbiyalik markaziy himoyachi Yerri Mina burchakdan uzatib berilgan to'pni boshi bilan darvozaga yo'naltirdi - 1:1. Bu Minaning qatorasiga uchinchi uchrashuvda raqib darvozasiga kiritgan goli bo'ldi.
Uchrashuvning asosiy vaqtida g'olib nomi aniqlanmagach, tomonlar 15 daqiqadan iborat ekstra taymlarni o'tkazishdi. Unda ham gol urish hech bir jamoaga nasib etmadi. Penaltilar seriyasida esa omad inglizlarga kulib boqdi. Inglizlar JCH-2018ning so'nggi chorak finalchisiga aylanishdi.
Havola :
Fikrlar