AQSH sharafini himoya qilayotgan Gulruhbegim Tohirjonova Butunjahon SHaxmat Olimpiadasini g'alaba bilan boshladi

O'z tarixida 44-bor o'tkazilayotgan ushbu nufuzli musobaqada AQSH shaxmatchilari ham ishtirok etmoqda va etiborlisi, okean orti terma jamoasi tarkibida hamyurtimiz Gulruhbegim Tohirjonova ham dona suryapti. Tohirjonova o'tgan yili AQSH milliy chempionatida 2-o'rinni egallab, terma jamoa tarkibidan joy olgandi.

Bugun Gulruhbegim 1-turni Puerto Riko vakilasi Natasha Morales Santosga qarshi o'tkazdi. Qora donalarda harakat qilgan Tohirjonova 1:0 hisobida g'alaba qozondi va AQSH terma jamoasiga ochko keltirdi. SHuningdek, AQSHning yana ikki vakilasi Irina Krush va Abrahamyan Tatev ham raqiblari ustidan g'alaba qozondi. AQSH Puerto-Rikoni 4:0 hisobida mag'lub etdi.