06 jan 08:57
Yangiliklar

Tennis

AQSH terma jamoasi United Cup 2025 g'olibi!

Avstraliya Ochiq chempionati oldidan o'tkazilgan ananaviy United Cup turniri AQSH terma jamoasining g'alabasi bilan yakunlandi.

Hal qiluvchi final uchrashuvida AQSH va Polsha terma jamoalari o'zaro to'qnash keldi. CHempion nomini aniqlab bergan bahsda dunyoning to'rtinchi raketkasi amerikalik Teylor Fritc ATP reytingida 16-o'rinni egallab turgan polshalik Xubert Gurkachni irodali tarzda mag'lubiyatga uchratdi - 6/4, 5/7, 7/6(4).

Tennischilarning o'zaro uchrashuvlarida Fritc katta farq bilan oldinda bormoqda - 4:1. Ikki soatu 18 daqiqa davom etgan bahsda Fritc 13, Gurkach 17 ta eys zarbasini amalga oshirgan. Ikkala raketka ustasi ham 1 tadan breykdan foydalangan.

SHu tariqa, AQSH terma jamoasi finalda Polshani umumiy 2:1 hisobida taslim etib, United Cup chempioniga aylandi. Amerikalik tennischilar 2023 yilda ham bosh sovrin sohibi bo'lishgandi. O'tgan yili esa chempionlik Germaniya terma jamoasiga nasib qilgan edi.