AQSH - United Cup turniri g'olibi!

Hal qiluvchi final uchrashuvida AQSH terma jamoasi italiyalik tennischilarga hech qanday imkoniyat qoldirmadi - 3:0. Yakkalikning so'nggi uchrashuvida dunyoning to'qqizinchi raketkasi bo'lib turgan Teylor Fritc ATP reytingida 16-pog'onada borayotgan Matteo Berrettinini tay-breklarda mag'lub etdi - 7/6(4), 7/6(6).

Tennischilarning o'zaro uchrashuvlaridagi hisob 3:0 ko'rinishiga keldi. Ikki soatu 17 daqiqa davom etgan bahsda Fritc 15, Berrettini 7 ta eys zarbasini amalga oshirgan. Ikkala tennischi ham ikkitadan qo'shxatoga yo'l qo'ygan.