24 noy 12:30
Yangiliklar

Paralimpiya

Ar-Riyodda Osiyo Paralimpiya qo'mitasining 32-Ijroiya kengashi yig'ilishi o'z ishini boshladi

Teglar : Paralimpiya

Osiyo Paralimpiya qo'mitasi vice-prezidenti - O'zbekiston Milliy paralimpiya qo'mitasi raisi Muxtorxon Tashxodjaev Saudiya Arabistoni poytaxti Ar-Riyod shahrida boshlangan Osiyo Paralimpiya qo'mitasining (APC) 32-Ijroiya kengashi yig'ilishida ishtirok etmoqda.

Dastlabki kun dasturiga ko'ra, Ijroqo'm azolari 2021- va 2022-yillardagi moliyaviy hisobotlar, 2023-yil uchun ichki hisobot va 2024-yilgi byudjet masalalari, shuningdek tashkilotga azolik badallari, strategik rejani yangilash, o'tgan vaqt mobaynida Osiyo Paralimpiya qo'mitasi hamda Milliy paralimpiya qo'mitalari tomonidan amalga oshirilgan ishlar sarhisobi muhokama qildi.

Bundan tashqari, yig'ilish davomida bo'lajak Parij-2024 yozgi Paralimpiya o'yinlari, Toshkent-2025 Yoshlar o'rtasida Para Osiyo o'yinlari hamda 2026-yilgi Aichi-Nagoya shaharlarida o'tadigan Para Osiyo o'yinlariga tayyorgarlik ishlari haqida ham so'z bordi.

Malumot o'rnida Ar-Riyod shahri 28 noyabr sanasiga qadar quyidagi tadbirlarga mezbonlik qiladi:

23-24 noyabr - APC Ijroqo'm yig'ilishi.

25-26 noyabr - APC konferensiyasi.

27-28 noyabr – Bosh Assambleya.