Toshkent IBSA World Games 2027 kompleks musobaqasiga mezbonlik qiladi

"Xalqaro ko'zi ojizlar sporti federaciyasi — IBSA World Games 2027 musobaqasi 2027 yilning 26 may — 6 iyun kunlari oralig'ida poytaxtimiz Toshkent shahrida o'tkazilishini mamnuniyat bilan elon qilamiz!

IBSA World Games — ko'zi ojiz va ko'rish qobiliyati cheklangan sportchilar uchun tashkil etiladigan dunyodagi eng yirik xalqaro sport musobaqasi. Har to'rt yilda bir marta o'tkaziladigan mazkur o'yinlar sportdagi yuksak mahoratni namoyon etish bilan birga, sportning ko'rish imkoniyati cheklangan insonlar uchun inklyuziya va imkoniyatlar tengligidagi muhim o'rnini yana bir bor namoyish etadi.

Toshkent shahri butun dunyo ko'zi ojizlar sporti hamjamiyatining markaziga aylanadi. Bu erda sportchilar, murabbiylar, texnik rasmiylar, klassifikatorlar, ko'ngillilar hamda IBSA oilasi azolari sport va xalqaro hamkorlikning unutilmas bayramini birgalikda nishonlash uchun jam bo'lishadi. Musobaqa dasturi, texnik reglamentlar hamda asosiy tashkiliy muddatlarga oid qo'shimcha malumotlar tayyorgarlik jarayoni davomida IBSA va O'zbekiston Milliy Paralimpiya qo'mitasining rasmiy axborot sahifalari orqali elon qilib boriladi", deyiladi tashkilot xabarida.

Poytaxtimiz, shuningdek, kelasi yili Los-Anjeles-2028 yozgi Paralimpiya o'yinlariga yo'llanma beruvchi para engil atletika bo'yicha kattalar o'rtasidagi Jahon chempionatini ham qabul qiladi.