02 noy 15:30
Yangiliklar

Boks/MMA

Kamaru Usman Islam Maxachevning jangdan bosh tortishi bo'yicha qarorini qo'llab-quvvatladi

UFC sobiq chempioni Kamaru Usman Islam Maxachev 2027 yil 30 yanvar kuni Toronto shahrida bo'lib o'tadigan UFC 336 turnirida Karlos Pratesga qarshi jangdan bosh tortgani to'g'ri qaror bo'lganiga ishonch bildirdi.

"Agar Islam Maxachevdek jangchini turnir dasturidan chiqarib tashlasangiz, hozir yarim o'rta vazn divizionida kim borki, uni asosiy jangchi sifatida ko'rsatib, “Men tomoshabinlarni haqiqatan ham jalb qiladigan raqamli turnir tashkil qila olaman”, deb ayta olasiz?

Bu yigitlar (Karlos Prates va Maykl Morales) oldinga ishonch bilan harakatlanishyapti. Ammo menimcha, UFC chempionlik kamari uchun davogar bo'lishdan oldin ular yana bir marta jang o'tkazishlari kerak.

Bizni ajoyib to'qnashuv kutmoqda. Bu jangda kim g'alaba qozonmasin, u Islam Maxachev kamardan mahrum bo'lgan yoki undan voz kechgan taqdirda uning o'rnini egallay oladigan davogarga aylanadi", — deya Usmanning so'zlarini keltiradi Heavy portali.