Argentina Olimpiadasida yana bitta licenziyaga ega bo'ldik

Yani, 2018 yilda Argentina poytaxti Buenos-Ayres shahri mezbonlik qiladigan III o'smirlar Olimpiadasida hamyurtimiz Abdushukur Sobirjonov yurtimiz sharafini himoya qiladi. 

Takidlash kerak, mazkur nufuzli musobaqaga nomzodlar Sirtqi Jahon kubogi – CHellendj musobaqalaridagi ishtiroki va yuqori ko'rsatkichlari asosida tanlanadi. Bu yilgi CHellenj musobaqalarining Eron, Iordaniya, Qozog'iston, Qirg'iziston, Qatar, Suriya, Birlashgan Arab Amirligi, Saudiya Arabistoni va O'zbekiston kabi to'qqiz davlatdan iborat oltinchi reyting zonasida jami 78 nafar chavandoz ishtirok etdi. Olimpiya o'yinlari licenziyasi uchun bo'lgan jiddiy va murakkab bahslar davomida har bir chavandoz o'z iqtidori va salohiyatini namoyish qilishga harakat qildi.

Eslatib o'tamiz, har bir mamlakat CHellenj musobqalari natijalarini Xalqaro Ot sporti federaciyasi (FEI) ga jo'natadi va ana shu natijalar asosida Olimpiada qatnashchilari aniqlanadi. Ekspertlar chavandozlarning yuqori ko'rsatkichlariga katta etibor qaratishadi. To'qqiz mamlakat chavandozlari orasida bo'lib o'tgan bellashuvlar davomida Abdushukur Sobirjonov marraga 63.04 soniyada, hech qanday jarima bali olmasdan etib keldi va g'oliblikni qo'lga kiritdi.

Yana shuni faxr bilan qayd etish kerak, o'smirlar o'rtasidagi yozgi Olimpiada bahslarida yosh chavandozimiz mamlakatimiz shanini himoya qilish bilan birga Osiyo minataqasi terma jamoasi tarkibida ham bellashuvlarda ishtirok etadi.

Malumot uchun, Abdushukur Sobirjonov 2002 yil tug'ilgan. Ot sportining to'siqlardan ot sakratish turi bo'yicha bir necha karra O'zbekiston chempioni, bir necha bor to'siqlardan ot sakratish  bo'yicha Jahon kubogi Markaziy Osiyo ligasi chempioni bo'lgan. Eslatib o'tamiz, III o'smirlar Olimpiya o'yinlari 2018 yilning 6 - 18 oktyabr kunlari Argentinaning Buenos-Ayres shahrida bo'lib o'tadi.