22 jan 11:52
Yangiliklar

Tennis

Arina Sobolenko Avstraliya Ochiq chempionati bilan xayrlashdi

Avstraliyaning Melburn shahrida o'tkazilayotgan "Katta Dubulg'a" turkumiga kiruvchi Australian Open turniri o'zining qizg'in pallasiga kirib boryapti.

Dunyoning 12-raketkasi Arina Sobolenko kutilmaganda musobaqa bilan xayrlashdi. Belaruslik tennis malikasi ikkinchi davra uchrashuvida ispaniyalik Karla Suares Navarroga imkoniyatni boy berib qo'ydi.

WTA reytingida 54-pog'onani band etib turgan 31 yoshli Navarro o'zidan 10 yoshga kichik bo'lgan raqibasini tay-breklarda - 7/6(8), 7/6(8) hisoblarida mag'lub eta oldi. Uchrashuv 2 soatu 11 daqiqa davom etgan. Suares o'zaro uchrashuvlarning to'rtinchisiga kelibgina Arinadan ustun keldi - 1:3.

Malumot uchun, Suares Navarroning uchinchi bosqichdagi raqibasi polshalik Iga Svyontek bo'ladi. U ikkinchi davrada vengriyalik Timea Baboshni 6/3, 6/2 hisobida taslim eta oldi.