02 dek 09:09
Yangiliklar

Boks/MMA

Aslida Isroil Madrimov ishtirokida o'tishi kerak bo'lgan yulduzli jang bekor qilindi

Yarimo'rta vaznda IBF chempioni Jeyron Ennis (33-0, 29 KO) hamda birinchi yarimo'rta vazndagi Virjil Ortis (22-0, 21 KO) o'rtasidagi ehtimoliy jang bo'yicha muzokaralar to'xtadi.

Tomonlar avvaliga 22 fevral kuni Ar-Riyoddagi boks oqshomi doirasida jang qilishga kelishib olishgandi. Biroq jang bekor qilindi, shu boisdan tashkilotchilar Ortisga yangi raqib izlashni boshlashdi.

Qayd etilishicha, saudiyaliklar WBC va WBO Interim kamarlari sohibi Sebastyan Fundoraning promouteri Samson Levkovich bilan bog'langan. Lekin u o'z mijozining boshqa rejalari borligini aytgan.

Eslatib o'tamiz, promouter Eddi Xirn Jeyron Ennisdan oldin Isroil Madrimovni Virjil Ortis bilan jangni taklif qilgandi. Ammo Ortisning promouteri Oskar de la Xoyya mijozi faqatgina Ennis bilan jang qilishi mumkinligini aytib, chaqiruvga rad javobini bergandi.