16 iyu 09:33
Yangiliklar

Tennis

Astana “CHellenjer”. Ilk davradayoq “o'zbek derbisi”!

Xabar berganimizdek, bugun Qozog'istonning Astana shahrida tennis bo'yicha “CHellenjer” turkumiga kiruvchi turnirning asosiy to'r bahslari boshlanadi.

Sovrin jamg'armasi 125 000 AQSH dollarini tashkil qiluvchi ushbu musobaqada ikki hamyurtimiz - Humoyun Sultonov va Farrux Do'stov ham ishtirok etyapti. Turnir tashkilotchilari Do'stovga asosiy to'rda qatnashish huquqini beruvchi imtiyozli yo'llanma taqdim etishdi. Sultonov esa saralashdagi ikki g'alaba evaziga asosiy to'rga chiqdi.

Etiborlisi, qura natijasiga ko'ra bu ikki tennischimiz ilk davradayoq bir-birlariga qarshi kortga chiqadigan bo'lishdi. Yaxshi tomoni ulardan biri aniq ikkinchi bosqich chiptasini qo'lga kiritadi. Ikkinchi davrada turnirning uchinchi raketkasi avstriyalik Sebastyan Ofner hamda qozog'istonlik Timur Xabibulin juftligi g'olibi hamyurtlarimizdan biriga raqiblik qiladi.