16 iyu 08:32
Yangiliklar

Tennis

Astana “Fyuchers”. Qura tashlandi, Sabina birinchi raketka!

Bugun Qozog'istonning Astana shahrida tennis bo'yicha “Fyuchers” turkumiga kiruvchi nufuzli turnirning asosiy to'r bahslariga start beriladi.

Mukofot jamg'armasi 80 000 AQSH dollarini tashkil qiluvchi ushbu musobaqada mamlakatimizning etakchi tennischilari - Sabina SHaripova, Nigina Abduraimova va Oqgul Omonmurodova ham ishtirok etadi. Kecha turnirning asosiy to'r bahslariga qura tashlash marosimi o'tkazildi.

Unga ko'ra, Sabina SHaripova turnirning birinchi saralangan tennischisi sifatida qayd etildi. O'zbekistonning birinchi raqamli tennischisi ilk davrada germaniyalik Vivian Xaysenga qarshi kortga chiqadigan bo'ldi.

Nigina Abduraimova oltinchi raqam ostida harakat qiladi va u birinchi bosqichda serbiyalik Boyana Yovanovski-Petrovichga qarshi bahs olib boradi. Oqgul Omonmurodova esa qozog'istonlik Go'zal Aynitdinova bilan munosabatlariga oydinlik kiritib oladi.