ATP reytingi. Top-10`da o'zgarishlar, tennischilarimiz sezilarli tarzda yuqorilashdi

Ikki hafta davom etgan "Katta Dubulg'a" turkumiga kiruvchi Uimbldon turniri yakunlariga ko'ra yangilangan reytingda aytishga arzigulik o'zgarishlar kuzatildi. Ayniqsa, "Fyuchers" turnirlarida muvaffaqiyatli ishtirok etgan tennischilarimizning bari bu hafta reytingda sezilarli o'sishga erishishdi.  

Mamlakatimizning birinchi raketkasi Humoyun Sultonov ketma-ket ikkita turnirda vice-chempion bo'lgani evaziga hisobiga 19 ochko qo'shildi va u 22 pog'onaga yuqorilab, 287-o'ringa joylashdi. Ikkinchi raketkamiz Sergey Fomin 33 o'ringa ko'tarildi va ayni paytda 582-pog'onadan joy olgan. Maksim SHin 29, Amir Milushev esa 189 o'ringa yuqorilagan. Rahimbek Ibrohim qo'lga kiritgan bir ochkosi evaziga ATP reytingiga kiritilgan. 

Jahon tennischilari reytingini hamon italiyalik Yannik Sinner peshqadamlik qilyapti. Uimbldon turniri bosh sovrinini qo'lga kiritish barobarida o'tgan yilgi chempionlik ochkolarini himoya qilgan Karlos Alkaraz reytingning uchinchi pog'onasida qoldi. Xuddi o'tgan yilgidek finalda yutqazgan Novak Jokovich ikkinchi raketka bo'lib qolmoqda.  

ATP reytingi. 15 iyul holatiga ko'ra Top-10:

1. (1) Yannik Sinner (Italiya) - 9570 ochko

2. (2) Novak Jokovich (Serbiya) - 8460

3. (3) Karlos Alkaraz (Ispaniya) - 8130

4. (4) Aleksandr Zverev (Germaniya) - 7015

5. (5) Daniil Medvedev (Rossiya) - 6525

6. (9) Aleks De Minaur (Avstraliya) - 4185

7. (7) Xubert Gurkach (Polsha) - 4105

8. (6) Andrey Rublyov (Rossiya) - 4070

9. (8) Kasper Ruud (Norvegiya) - 4030

10. (10) Grigor Dimitrov (Bolgariya) - 3770...

O'zbekistonlik tennischilarning ATR reytingidagi o'rni:

287 (309). Humoyun Sultonov - 192 (+18 ochko)

582. (615). Sergey Fomin - 61 (+6 ochko) 

1127. (1156). Maksim SHin - 9 (+1) 

1505T (1694T). Amir Milushev - 3 (+1 ochko) 

1904T. Rahimbek Ibrohimov - 1 ochko