ATR reytingi. Humoyun Sultonov mamlakatimizning birinchi raketkasiga aylandi

Unga ko'ra, reytingning Top-10 ligida bir qator o'zgarishlar kuzatildi. Rossiyalik Daniil Medvedev yana sayyoramizning birinchi raketkasiga aylandi. SHu kunga qadar reytingni boshqarib kelayotgan serbiyalik Novak Jokovich esa 2 o'rin pastlab, 3-pog'onaga joylashdi. Germaniyalik Aleksandr Zverev ikkinchi o'ringa ko'tarilib olgan olgan bo'lsa, Kasper Ruud Top-5 da debyut qildi.

17 yildan buyon mamlakatimizning birinchi raqamli tennischisi bo'lib kelayotgan Denis Istomin bu hafta o'z "taxt"ini Humoyun Sultonovga topshirdi. Istomin yangilangan haftalik reytingda 53 pog'ona pastlab, 373-o'ringa joylashgan bo'lsa, Sultonov 12 o'rin yuqorilab, mamlakatimizning birinchi raketkasiga aylandi. SHuningdek, Sergey Fomin o'tgan haftadagi o'rnini saqlab qolgan bo'lsa, Sanjar Fayziev 29 o'rin pastladi. 

ATP reytingi. 2022 yil 13 iyun holatiga ko'ra:

1. (2) Daniil Medvedev (Rossiya) - 7950 ochko

2. (3) Aleksandr Zverev (Germaniya) - 7075

3. (1) Novak Jokovich (Serbiya) - 6770 

4. (4) Rafael Nadal (Ispaniya) - 6525

5. (6) Kasper Ruud (Norvegiya) - 5050

6. (5) Stefanos Cicipas (Greciya) - 4945

7. (7) Karlos Alkaraz (Ispaniya) - 4893

8. (8) Andrey Rublyov (Rossiya) - 4125

9. (9) Feliks Oje (Kanada) - 3895

10. (10) Matteo Berrettini (Italiya) - 3570

O'zbekistonlik tennischilarning ATR reytingidagi o'rni:

370 (382). Humoyun Sultonov - 116

373 (320). Denis Istomin - 115

408 (408). Sergey Fomin - 101

704 (675). Sanjar Fayziev - 29

1147 (1154). Saidalo Saidkarimov - 6

1198 (1201) Jo'rabek Karimov - 5

1282 (1287) Maksim SHin - 4

1612 (1640) Olimjon Nabiev - 2

1809 (1816) SHonig'matjon SHofayziev - 1.