26 jan 09:46
Yangiliklar

Tennis

Australian Open-2025. Erkaklar o'rtasidagi juftlik bahslarida chempionlar malum

Melburn shahrida o'tkazilayotgan tennis bo'yicha "Katta Dubulg'a" turkumiga kiruvchi Avstraliya Ochiq chempionati o'z yakuni sari yaqinlashmoqda.

Musobaqaning erkaklar o'rtasidagi juftlik bahslarida chempionlar aniqlandi. Hal qiluvchi final uchrashuvida finlyandiyalik Xarri Xeliovaara va britaniyalik Genri Patten juftligi italiyaliklar Simone Bolelli hamda Andrea Vavassori hamkorligini 6/7(16), 7/6(5), 6/3 hisobida engib, Australian Open 2025 chempioniga aylanishdi.

Uch soatu 7 daqiqa davom etgan bahsda Xeliovaara/Patten 11, Bolelli/Vavassori juftligi 6 ta eys zarbasini amalga oshirgan. Ikkala juftlik ham 2 tadan qo'shxatoga yo'l qo'ygan. Xeliovaara va Patten hamkorlikda ikkinchi "Katta Dubulg'a" turniri chempioniga aylanishdi. Ular o'tgan yili Uimbldon turnirida ham bosh sovrinni qo'lga kiritishgandi.

Xarri va Genri ikki haftalik mehnatlari evaziga 2000 reyting ochkosi hamda 510,300 AQSH dollari miqdorida mukofot puliga ega chiqishdi. Bolelli va Vavassori esa 1200 ochko hamda 277,200 dollarga ega bo'lishdi.