Australian Open. Amaldagi chempion himoyaga kirishdi

Sayyoramizning birinchi raqamli tennis malikasi Arina Sobolenko chempionlik himoyasini muvaffaqiyatli boshlab oldi. Belaruslik tennischi ilk davrada WTA reytingida 81-pog'onada borayotgan amerikalik Sloan Stivensni mag'lubiyatga uchratdi - 6/3, 6/2.

Tennischilarning o'zaro uchrashuvlaridagi hisob yiriklashib ketdi - 5:0. Etmish ikki daqiqa davom etgan bahsda Sobolenko 1, Stivens 2 ta eys zarbasini amalga oshirgan. Breyklar 5 ga 2 ko'rinishida belaruslik foydasiga bo'ldi. Endi u ikkinchi davrada Jessika Buzas Maneyroga qarshi kortga chiqadi. O'z o'rnida ispaniyalik tennischi birinchi bosqichda britaniyalik Sona Kartalni taslim etdi - 6/1, 7/6(5).