13 jan 16:16
Yangiliklar

Tennis

Australian Open. Dunyoning birinchi raketkasi va amaldagi chempion ham boshladi

Dunyoning birinchi raketkasi Yannik Sinner "Katta Dubulg'a" turkumiga kiruvchi Avstraliya Ochiq chempionatidagi ishtirokini g'alaba bilan boshlab oldi.

Italiyalik tennischi ilk davrada ATP reytingida 36-pog'onada borayotgan chililik Nikolas Xarrini biroz qiyinchilik bilan mag'lubiyatga uchratdi - 7/6(2), 7/6(5), 6/1. Xarri ikki setda amaldagi chempionni ancha qiynab qo'ydi. Har ikki set g'olibi tay-brekda aniqlandi. Tennischilarning o'zaro uchrashuvlarida Sinner hisobda oldinga chiqib oldi - 2:1.

Ikki soatu 42 daqiqa davom etgan bahsda Sinner 7, Xarri 13 ta eys zarbani amalga oshirgan. Endi Yannik Australian Open turnirining 1/32 finalida avstraliyalik Tristan Skulkeytga qarshi kortga chiqadi. Mezbon tennischi birinchi bosqichda yaponiyalik Taro Danieldan ustun keldi - 6/7(6), 7/6(4), 6/1, 6/4.