20 jan 10:22
Yangiliklar

Tennis

Australian Open. Naomi Osaka muvaffaqiyatli start oldi

Avstraliyaning Melburn shahrida "Katta Dubulg'a" turkumiga kiruvchi Australian Open turniri davom etmoqda.

Sayyoramizning uchinchi raqamli tennis malikasi Naomi Osaka musobaqadagi ishtirokini g'alaba bilan boshladi. Yaponiyalik tennischi birinchi davra uchrashuvida WTA reytingida 59-pog'onadan joy olgan chexiyalik Mari Buzkovaga qarshi kortga chiqdi.

Sakson daqiqa davom etgan bahs yakunida Naomi raqibasini ortiqcha qiyinchiliksiz 6/2, 6/4 hisobida mag'lubiyatga uchratdi. Bu tennischilarning o'zaro ilk uchrashuvi edi. Endi 22 yoshli Osaka Australian Open ikkinchi bosqichida xitoylik CHjen Saysay bilan ro'baro' keladi.