14 jan 11:12
Yangiliklar

Tennis

Australian Open. Qozog'istonlik tennis malikasining yurishi boshlandi

Sayyoramizning ettinchi raketkasi bo'lib turgan Elena Ribakina Avstraliya Ochiq chempionatidagi ishtirokini g'alaba bilan boshlab oldi.

Qozog'istonlik tennis malikasi ilk davrada WTA reytingida 293-pog'onada borayotgan mezbonlar vakilasi Emerson Jonsni ortiqcha qiyinchiliksiz mag'lubiyatga uchratdi - 6/1, 6/1. Bu tennischilarning o'zaro o'tkazgan ilk uchrashuvi edi.

Bor yo'g'i 53 daqiqa davom etgan bahsda Ribakina 11 ta eys va 5 ta breykni amalga oshirdi. Qo'shxatoga yo'l qo'ymadi. Endi u Australian Open ikkinchi bosqichida Iva Yovichga qarshi kortga chiqadi. Amerikalik tennischi birinchi davrada ispaniyalik Nuriya Parrizas-Diasdan ustun keldi - 6/2, 6/1.