24 jan 10:31
Yangiliklar

Tennis

Australian Open. Safi Eron tarixida g'alabaga erishgan ilk tennischi qizga aylandi

Eronlik Meshkatolzahra Safi Australian Open turnirining o'smirlar o'rtasidagi bahslarida g'alaba qozongan ilk tennischi bo'ldi.

SHuningdek, u ITF Top-100 reytingiga kirgan ilk eronlik tennischiga ham aylandi. Hozirda Safi reytingning 74-pog'onasidan joy olgan.

"Tennis bilan shug'ullanishni boshlaganimda hech kim menga ishonmagandi. "Katta Dubulg'a" turnirida qatnashishim esa shunchaki tush edi", - deya Safining so'zlarini keltirmoqda ITF matbuot xizmati.

Tennischi Eron qoidalariga ko'ra boshida ro'mol, egnida yopiq libos bilan kortda harakat qilgan.

SHuningdek, Melburnda keniyalik Anjella Okutoi ham ilk g'alabasini qo'lga kiritdi. U ham Keniya davlati uchun "Katta Dubulg'a" turnirida kamida bitta uchrashuvda zafar quchgan tennischiga aylandi.