27 jan 14:59
Yangiliklar

Tennis

Australian Open. Simona Xalep 1/4 finalda

Melburn shahri mezbonlik qilayotgan tennis bo'yicha "Katta Dubulg'a" turkumiga kiruvchi Avstraliya Ochiq chempionati o'zining qizg'in pallasiga kirdi.

Dunyoning uchinchi raqamli tennis malikasi Simona Xalep nimchorak final uchrashuvida belgiyalik Elize Mertensni mag'lub etdi. Xalep 1 soatu 37 daqiqa davom etgan bahsda WTA reytingida 17-pog'onadan joy olib turgan raqibasidan 6/4, 6/4 hisobida ustun keldi.

Ruminiyalik tennischi bugungi g'alabadan so'ng o'zaro uchrashuvlardagi ustunlikni oshirdi - 3:1. Endi 28 yoshli Simona Australian Open chorak finalida estoniyalik Anett Kontaveytga qarshi kortga chiqadi.