Australian Open. Tennischimiz juftlikda ham g'alabaga erishdi

Bu safar hamyurtimiz musobaqaning juftlik bahslarida zafar quchdi. Jeysor Leons bilan juftlik hosil qilgan Fomin ilk davrada Salmon Kempbell hamda SHtefan Storx hamkorligiga qarshi kortga chiqdi.

Uch daqiqasi kam bir soat davom etgan uchrashuvda Sergey va Jeysor raqiblarini ikki setda ham bir xil 6:3 hisobida mag'lub etishdi. Fomin yakkalikning ilk bosqichida argentinalik Tiago Augustin Tirantedan 4:6, 7:6, 6:0 hisobida ustun kelgan edi.