15 jan 13:55
Yangiliklar

Tennis

Australian Open. Vinus Uilyams irodali g'alabaga erishdi

Melburn shahrida tennis bo'yicha “Katta Dubulg'a” turkumiga kiruvchi Avstraliya Ochiq chempionati davom etmoqda.

Dunyoning 36-raketkasi Vinus Uilyams musobaqani qiyin g'alaba bilan boshladi. Amerikalik tennischi ruminiyalik Mixaela Buzarneskuga qarshi kechgan bahsda irodali g'alabaga erishdi.

Vinus 2 soatu 29 daqiqa davom etgan uchrashuvda reytingning 26-pog'onasidan joy olgan raqibasini 6/7(3), 7/6(3), 6/2 hisobida taslim etdi. Endi 38 yoshli Uilyams ikkinchi bosqichda franciyalik Alize Kornega qarshi kortga chiqadi.