20 jan 12:07
Yangiliklar

Tennis

Australian Open. Voznyacki g'alaba bilan boshladi

SHu kunlarda dunyo tennis ahlining diqqat-etibori Melburn shahrida o'tkazilayotgan "Katta Dubulg'a" turkumiga kiruvchi Avstraliya Ochiq chempionatiga qaratilgan.

Ayollar o'rtasidagi yakkalik bahslarida hozircha kutilmagan natijalar qayd etilmayapti. Dunyoning 35-raketkasi Karolin Voznyacki ilk davrada oson g'alabaga erishdi. Daniyalik tennis malikasi reytingning 92-pog'onasidan joy olgan amerikalik raqibasi Kristi Andan ustun keldi.

Voznyacki 1 soatu 25 daqiqa davom etgan bahs yakunida 6/1, 6/3 hisobida zafar quchdi. Bu vaqt oralig'ida 29 yoshli Karolin bitta, An esa bironta eys zarbasini amalga oshira olmadi. Bu tennischilarning o'zaro ilk uchrashuvi edi. Endi Voznyacki ikkinchi davrada ukrainalik Dayana Yastremskaya va sloveniyalik Kayya Yuvan uchrashuvi g'olibasiga qarshi kortga chiqadi.